O primeiro um video do passeio em barca por debaixo das cataratas de Foz de Iguaçú. A partir da metade do video as risas histéricas som bem divertidas XD
Também vam umhas fotos de Ouro Preto e de umha processom da igreja da Nosa Senhora do Rossario dos Pretos. Paresce umha mezcla entre processom e desfile de samba no entroido.
Depois da experiência de Foz do Iguaçú, já andamos por Ouro Preto, cidade patrimonio da humanidade e possivelmente um dos sitios históricos melhor conservados nos que estivem nunca.
A cidade têm apenas 60.000 habitantes e nom há absolutamente nenhum edificio moderno. Todo o povo é casco histórico e nom existe zona nova, enclavado na Serra do Espinhaço é um prazer a vista ver o povo todo cheio de casinhas pequenas rodeado de montanhas. Também é com muita diferência o povo com mais joierias por metro quadrado que vim nunca. É como o dos bares em compos, pois imaginade que em vez de bares há joierias. É umha sorte que depois das joierias o seguinte negocio sejam os restaurantes e as tascas
Desgraciadamente também é o terceiro destino turístico do brasil, assim que há guiris a punta pala. Hoje comezaremos o percorrido exaustivo polo povo a ver museios e igrejas e com um pouco de sorte amanhá iremos ver umha mina de ouro abandonada. Já irei contando.
Hoje estivemos de visita no parque das aves, pegado ao Parque Nacional das Cataratas do Iguaçú, é um centro onde podes ver mais de 800 especies. Algumhas em liberdade, outras em aviários gigantescos. Todas em boas condiçons.
Há desde espécies em risco de extinçom a aves que forom recuperadas polo IBAMA (o instituto medioambiental brasileiro) a traficantes de animais que as tinham em condiçons pésimas. A experiência foi enriquecedora e é todo um orgasmo visual estar aquí. Por certo, a cámara de fotos cascou bastante. Podo fazer fotos só em modo manual e sem autofocus. Vamos que pasei de ter umha cámara com mogolhom de programas automáticos a ter umha reflex supermanual. Se vedes fotos algo desenfocadas tede em conta que enfocar a mao cousas a distáncia é dificil.
Contavam os Guaranies umha lenda na que se dizia que Naipi era umha fermosa mulher, tam fermosa era que as aguas do rio se paravam quando ela se asomava a sua beira. Mas marcarom um terrível destino para a mulher destinando-a para o culto do deus serpente M’Boi. Mas o guerreiro Tarobá rescatou a mulher Naipi da que estava namorado. O deus M’Boi num ataque de furia abriu a terra que dam lugar as cataratas, converteu a Naipi em pedra e a Tarobá numha palmeira, que observa sem poder tocar a sua amada.
Hoje já nom existem Guaranies em Brasil, e nom há lenda para explicar o seu genocidio. Simplesmente o homem branco é o culpável do exterminio. O estado de Panará, onde estam as cataratas do Iguaçú era fai 60 anos umha inmensa selva, hoje território deforestado e adicado ao cultivo e a gandeiria. Apenas sobrevivem umhas poucas tribos no Paraguai. Território guaraní era o sitio onde estamos agora mesmo, hoje patrimonio da humanidade e destino de centos de miles de turistas cada ano. Até aquí a triste história.
Nom atopo palavras para descrever a impressom que nos está a causar este sitio. É tam inmenso todo, tam fora de medida que acho mais simples colocar umha série de fotos e um video para que vos fagades um pouco a ideia.
(Vermes no processo de conversom em bolboretas)
Atençom a bolboreta pousada no salvavidas.
Última foto que puidem sacar com a D40. Instantes depois estavamos debaixo da fervenza.
PD. Para variar as catástrofes que soem ocorrer-me nas viagens, a minha cámara morreu afogada debaixo de umha catarata durante umha viagem em barca polas cataratas. A movida é que te levam em foraborda até debaixo de um dos saltos e ficas completamente empapado. Estou a ponhela pegada ao ar acondicionado a ver se a resucito, mas muito me temo que me acabo de quedar sem a D40. A este ritmo vou a arruinar-me a mercar cámaras de fotos.
PD2. Apontamento gastronómico. Ontem fomos a cear a um rodizio, já sabedes carne a parrilha a toneladas. Provei o que provavelmente seja a cousa mais rara das que levo até o de agora. Testículos de Pavo. Estavam feitos com muito alho e independentemente de que se o pensas bem pode resultar um pouco asqueroso, de sabor nom estavam demasiado mal, esso sim, com os que comim ontem tenho mais que suficiente para acordar do valor gastronómico do ingrediente.
Já estamos em Foz de Iguaçú a ponto de comezar as visitas as Cataratas, o plam é adicar hoje o dia a ver o lado brasileiro e amanhá ir até a Argentina a ver a película desde esse pais.
Como da viagem de aviom que nos levou quase todo o dia até aquí nom há muito que contar, ao fim e cabo todos os aeroportos e avions som muito parescidos em qualquer país, hoje vou falar um pouco das pousadas e hoteis que levamos visitados polo momento nesta viagem polo Brasil.
Salvador de Bahia, Pousada das flores. É umha antiga casa colonial reabilitada, teitos altísimos, tres pisos com escaleiras e sem ascensor, tentando respeitar a estructura original do predio. Como ponto mui positivo é o bom rolho das pessoas que levam a pousada, desde os recepcionistas até o dono, que nos veu saudar o primeiro dia que estivemos lá. As habitaçons estam decoradas com muito gusto, incluem umha hamaca e som amplas. Como ponto negativo, se podemos dizer que é negativo, está que todo fai bastante ruido. Os chaos som de madeira de verdade e todo cruxe bastante. De todas formas queda todo esquecido polo marivolhoso serviço. Rio de Janeiro, Rio 180º. É um hotel mui bonito no bairro de Santa Teresa com umhas vista panorámicas que incluem o Pão de Açucar e o Corcovado. De estilo mui contemporaneo presume de que na decoraçom das habitaçons participarom varios arquitectos de prestigio. Têm jacuzzi no quarto e esso da muitos puntos. A parte mais chunga é o serviço do hotel. Nada mais chegar nos soltarom um rolho de que se o hotel era mui exclusivo e tal, todo o rato a falar em inglês ou francês, nom entendiamos nada. Se sodes capaces de abstraer-vos e só pensar no sitio e nom na gente que te rodeia este é o teu sitio. Pessoalmente tenho claro que nom volto, idependentemente de que nos atoparamos o verme e a cucaracha no quarto.
São Paulo. Golden Tuplip. De propriedade alemã é a tipica cadena, com os tipicos serviços, a típica limpeza impecável… em fim, que poderias estar em Shangai em vez de São Paulo e o hotel seria identico. O positivo de este tipo de sitios e que é raro que falhem, tampouco pretendas que se lembrem de ti nem de que quarto tes alugado.
Curitiba. Harbor Batel. Como o anterior pero de menos categoría. O serviço algo mais atento (era um hotel mais pequeno) mas nada que destacar.
Blumenau. Accor Mercury. Mais cadenas, desta volta eram apartamentos. Esto é como um quarto normal mas com cozinha. O serviço um pouco mais desagradável do normal, mas tampouco sem pasarse. Florianópolis. Pousada da Vigia. Que num hotel te recebam levando-te umha botelha de champam (espumante chamano em Brasil) a conta da casa nada mais chegar da muitissimos pontos. Os quartos som pequenos (tenhem suites que suponho seram grandes) mas tenhem umha pequena varanda com umhas vistas estupendas à praia. O pessoal da pousada esforzase para que a estadia sea umha experiência inolvidável, todo é mui servicial e atento. Gostei muito.
Hoje é o último dia na ilha de Santa Catarina e a ver se nom nos diluvia como ontem. A ilha é um destino turístico principalmente para Argentinos, que durante o verao austral subem em masa para cá. Esto se traduz em que existe um desastre urbanístico que nom conhecimos no resto do Brasil. Tendo em conta que em este país se construe quase que de qualquer forma, o que acontece na ilha é algo impresionante. A chaletizaçom chega a niveis surpreendentes e o normal é fazer o bloco de 5 chalets iguais a 5 metros da areia da praia. Assim lugares fermosos se convertem em esperpentos sobre tudo na parte norte da ilha. O sul paresce que se está a salvar polo momento.
Nós como estamos a visitar a ilha em tempada baixa paresce as veces que vamos por povos fantasmas. Todo pechado e centos de cartazes de "Se aluga casa cerca da praia". Umha pena.
Polo resto nom temos muito que contar, a Pili colheu umha pequena infeçom de ouvido na piscina da pousada e anda a ter que botar umhas gotas. Alugamos um carro com a direçom mais dura que vim nunca, estou a quitar uns biceps de girar o voante que vos vai a deixar impresionados
Manhá já nos imos para o interior. Foz de Iguaçu a ver umhas fervenzas de la leche e depois a Ouro Preto a ver minas de ouro e diamantes. Se alguem quere amatistas ou aguamarinas a baixo prezo que avise.
Quando estavamos a tomar o café da manhã (o almorço, vamos) vimos pola janela da varanda um lagarto a tomar o sol. Quando baixamos a fazer-lhe umhas fotos topamos com umha cria.
O lagarto grande (2 primeiras fotos) media como 1 metro mais ou menos, o pequeno uns 20 centímetros. Estavam numhas árvores caidas que há acima dumhas rochas a beira da praia, a tomar o pouco sol que há entre chaparrom e chaparrom. Porque sip, no destino de praia nos está a chover a mares.
O bicho chámase Capivara, pesam entre 35 e 65 kilos e som os roedores mais grandes do mundo. Estava comendo erva tranquilamente na beira do rio que pasa polo meio de Blumenau. Com o paxaro comendo-lhe nom sei o que acima.
