Toque de queda em Mongolia
Se o outro día comentava que nom sabiamos com seguridade porque a gente andava com mascarilhas por Ulán Bator, hoje saimos de duas. O nivel de paranoia com a gripe A é desorbitado neste país. O governo dictou fai uns días um toque de queda para todos los locais públicos a partir das 21:00. A essa hora todo deve estar pechado (e nós sem cear).
Hoje foi um dia duro, tivemos umha tentativa de atraco pouco depois de sair do hotel. Dous rapaces romperom o bolso da Pili com umha navalha para tentar roubar o que levava dentro. Dimo-nos conta e desistirom mas já te quedas com um pouco de mal rolho no corpo. A rua estava ateigada de gente mas polo visto esto nom é problema para os carteristas.
Pouco depois tivemos também contacto com um neno rata. Estava-mos tentando visitar um templo budista da cidade (pechado pola gripe A igual que todos os edificios de museios e espectáculos) quando se nos achegou um neno a pedir-nos quartos. O rapaz estava numhas condiçons lamentáveis.
Já tenho comentado que Ulán Bator é a capital do mundo com temperaturas mais baixas. No inverno é singelo que as temperaturas baixem a -40ºC. Como Mongolia é também um dos países mais pobres do mundo, resulta que os indigentes (e muitos nenos) durmem nas alcantarilhas da cidade, onde a temperatura é um pouco maior. Podede-vos imaginar-vos o que supom para a salubridade ter que viver rodeado de merda, literalmente.
A situaçom com o rapaz foi mui dificil, somos conscientes que dar-lhe cartos ou comida nom é soluçom e de facto é contraproducente mas o coraçom se parte com cada negativa. Pasamo-lo mal.
Do resto pouco que contar, todo está pechado nesta cidade assip que pouco fazemos aparte de pasear pola cidade. Hoje temos planejado ir ao mercado negro (um dos mais grandes de Asia), a ver que se coce. Manhá já nos vamos para China na última viagem em comboio de 30 horas.
Escreve um comentário