Bertrand Russell e a guerra do Vietnam [ go ]
A sexta feira passada o Xurxo regalava-me um estupendo livro: "Los crímenes de guerra en Vietnam" do escritor, filósofo e matemático Bertrand Russell.
Depois de devora-lo durante a fim de semana, andivem a buscar pola rede a ver se poderia atopar onde mercalo mas paresce que está descatalogado, assim que nada, se o queredes há que mergulhar nas feiras do livro de segunda mão.
"Los crímenes de guerra en Vietnam" é um compendium de artigos de opiniom publicados polo autor durante os seis primeiros anos da década dos 60 e que partem de umha ideia marco, se em Nuremberg se juzgou ao nazismo por crímenes contra a humanidade por parte das potencias vencedoras da 2GM como umha forma de eliminar as revanchas irracionais depois de rematar umha guerra, esta experiência deveria manter-se no tempo como forma de regulaçom de um conflito bélico independentemente do estado que cometa os crímenes. Esta afirmaçom já nom é que parta do Russell senom que som palavras do juiz Jackson, representante dos próprios EEUU em Nuremberg.
Russell recolhe multidom de experiências do factos acontecidos durante a guerra de Vietnam e propom a constituiçom de um juizo a EEUU polas suas actividades no sureste asiático. Explica com claridade o objeto da guerra, a necesidade de EEUU das materias primas (caucho, bauxita…) que têm o estado soberano de Vietnam e que precisa occidente amais de relatos estremecedores da selvagem actuaçom dos supostos defensores da democrácia.
Um livro do 1967 que aporta umha clara explicaçom dos movementos políticos em materia de asuntos exteriores dos EEUU e que explica 35 anos antes situaçons como as que provocam guerras tam actuais como a do Irak. Muito obrigado Xur!
O antropólogo inocente [ go ]
Ontem rematei de ler um livro que me deixou umha colega. Titula-se "El antropologo inocente: notas desde una choza de barro" publicado em espanhol pola editora Anagrama.
Fora das impressons habituais que produz este livro (é mui divertido e acho que dos poucos textos de temática antropológica que podem estar accesiveis ao grande público) resultou-me mui interesante as reflexons que fai o seu autor, o británico Nigel Barley, sobre a tribu camerunesa dos "dowayos" a qual é objecto de estudo. As similitudes com a forma de ser dos galegos e galegas é surpreendente em algumhas cousas.
Nom vou contar muito mais por que sinceiramente o livro merece muito a pena e é melhor que o leades, mas para rematar o post copio em espanhol umha conversa reflexada no livro entre dous aborigens dowayos.
Dos hombres Dowayo se cruzan en un camino.
- ¿Está el cielo despejado para tí?
- El cielo está despejado para mí -contesta- ¿Y para ti?
