Umha de cine: Salvador [ go ]
Ontem pola tarde tivemos dia de cine feito no estado espanhol. Vimos a peli de Manuel Huerga, Salvador, amais de El laberinto del fauno do mexicano Guillermo del Toro.
Salvador é umha peli preciosa, destas que te emocionam até rematar chorando como bebes no sofá. A peli retrata a vida de Salvador Puig Antich, um activista catalam do MIL que foi executado polo régime em marzo de 1974. Dous anos depois morreria nas montanhas navarras o seu companheiro do MIL Oriol Solé num enfrontamento com a Guardia Civil depois dumha espectacular fuga organizada polos polismilis de ETA, feito que também está retratado no cinema na peli "La fuga de segovia" de Imanol Uribe.
Salvador nom é em si umha peli militante nem panfletaria, retrata mui bem a situaçom pessoal, emoçons, ánsia de liberdade e aventura dum jovem comprometido dos anos 70. Umha das cousas que mais me impactarom é como se reflexa o papel da polícia político social. Reproducida com tal rigor histórico se te ponhem os pelos de punta.
Comprando por ebay. O caso galego [ go ]
Algoritmos avanzados [ go ]
Como algum de vos sabedes, dentro de umha semana me mudo para o novo piso. Um ano depois e com 12 cuotas da hipoteca pagadas religiosamente, por fim, chegou o gram momento!!!.
Pois bom, estava hoje organizando o meu armario, que para ponher-vos em antecedentes é umha enorme bola de 1 metro cúbico de tamanho onde há de todo, camisolas, pantalons, calcetins dentro dos seus pacotes sem abrir (obrigado mamá por regalarme religiosamente 6 pares de calcetins cada 4 meses durante os últimos 10 anos da minha vida!), abrigos, roupa para vodas e outras celebraçons… em fim, que há de todo. É o que tem vestir-se mais ou menos todos os dias.
Ao que ia, resulta que depois de desfazer a bola de roupa e catalogala segum um algoritmo avanzado de comparaçom de formas (camisolas com galhumbos nom casam moi bem que digamos), estivem a investigar como doblar as camisolas no menor tempo possível tendo como parámetro básico que nom valia a formulaçom antiga (fagase umha bola, abra-se a porta do ármario e tire-se de qualquer maneira dentro) e atopei um par de videos que sinceiramente me deixarom com a boca aberta… que ignorante durante tantos anos, meu deus!
O primeiro método, é o denominado "japonés". Tardei como 15 minutos e uns 10 intentos em conseguir aprender o algoritmo de compressom, mais agora podo dizer que já tenho alternativa a minha professom, se em dinahosting nom vai bem a cousa, sempre podo adicar-me a doblar camisolas!!
Ponho-vos o video:
O segundo método, é se cabe, mais facilinho, require algo de novas tecnologías, a saber:
1.- Cartom de umha caixa grande.
2.- Umha regla ou cinta métrica.
3.- Um cutter, ainda que as tradicionais tesouras de cortar o polbo também valem.
Com estas cousas tam avanzadas (nom tenhem teclado, wow!!) e seguindo as instruçons deste segundo video podedes conseguir cousas increíveis.
Só me queda agora, buscar o increível método de dobrar os calcetins de tal forma que valgam para guardar num caixom, ou para tirar-lhos a alguem à cabeza. Esso sim, as manis melhor ir com pedras, que se se vai com umha pila de calcetins a algum pode dar-lhe a risa, e a cousa é defender-se, nom é?
Conselho [ go ]
Se mercades um piso, NOM FAGADES REFORMAS. Dentro de 20 dias fago 1 ano que firmei a hipoteca, e sigo sem poder mudar-me. Até me voltei adicto a "Aqui no hay quien viva". Quando me mude a ver se fago um mega-post com o drama. Desde a derrama de 600.000 pelas aos 15 dias de mercar o piso, ao fontaneiro que fai um buraco e rompe o chao até o piso de abaixo onde vive umha velha de 80 anos (e o buraco é no quarto de banho), abrir o grifo do lavavo e que saia a auga polo hidromasagem, ao orçamento de 8000 euros que pretendia cobrar o pintor por pintar o piso só de mao de obra… todo esto num edificio onde a maior parte dos vizinhos som o Opus Dei. Vamos, da para umha novela ou umha serie de TV.
A todo esto, volto a retrasar a data da mundanza para finais de mês já que nom dou arranjado um carpinteiro que me faga os armarios empotrados esta semana, depois de levar 3 meses esperado por o que tinha contratado.
Mudando de tema, hoje pasei polo concesionário e pode ser que para a semana já tenha o carro novo… polo menos algumha boa noticia.
