Tam biêt Ho Chi Minh, Adeus Ho Chi Minh [ go ]
Todo o bom se acaba e hoje é a última noite que passamos em Ho Chi Minh antes de marchar para Da Nang, já no centro de Vietnam, atrás deixamos esta maravilhosa cidade cosmopolita onde quase todo o que vimos é estupendo.
Como o prometido é deuda o primeiro de todo é deixar-vos o video que fixo a Eli de ontem no pub que têm o hotel onde estamos no oitavo piso, com umhas vistas estupendas ao rio Saigón.
Hoje o que fixemos durante todo o dia foi adicarnos a ver zonas de Ho Chi Minh que nom tinhamos demasiado controladas.
Fumos até un dos mercado cubertos que existem na cidade. Um barulho de gente mercando e vendendo, com apenas umha ducia de turistas passeando por lá.
E a verdade é que muito mais que contar nom há, paseios e fotos, birras e comida, é o resumo do dia de hoje.
E para rematar com os post sobre Ho Chi Minh um par de histórias que nom som tam positivas sobre a cidade. A primeira é que os postos de comida da rua paresce que estam semi permitidos, hoje mentras estavamos num deles aparesceu umha pickup da pasma e tipos do posto comezarom a recolher todo a toda hostia, depois marchou a pasma e voltarom a deixar todo como estava. A outra movida, bastante mais chunga é que ontem fum a mercar um banhador a um centro comercial eu só e quando vinha de volta cara o hotel abordarom-me um par de veces ofrecendo-me serviços de prostituiçom, se vas acompanhado nom há problema mas um homem só paresce que é um objectivo o qual agocha umha realidade triste nesta cidade tam bonita.
Saúde e até manha em Da Nang.
Disparando com um AK-47 [ go ]
Manha a ver se ponho outro que gravou a Eli hoje de umha festa na terraza do oitavo piso do hotel. Divertido divertido.
Túneles de Cu Chi [ go ]
Good morning Vietnam!!
Estou escrevendo agora mesmo desde o carro que nos trae de volta da visita aos túneles de Cu Chi. Os túneles som um complexo de 2000 quilómetros onde o exército vietnamita organizava a liberaçom do sul de Vietnam e onde tinha estabelecido os postos de mando.
A zona que visitamos é umha virtualizaçom das diferentes partes dos túneles. Desta maneira puidemos conhecer desde como se fazia a roupa dos guerrilheiros e guerrilheiras a como se cozinhava.
Nesta zona todo estava agochado inclusive as trincheiras onde se livravam os combates. As trampas postas no cham e feitas com madeira de bambú afiada ou com pinchos metálicos também impresionan mogolhom.
O da cozinha é algo que impacta muito porque um dos grandes problemas que havia era a impossibilidade de fazer lume devido a que o fume delatava as posiçons e os americanos ao detectar o lugar o bombardeavam com pepinos de 250 Kgs. Para solucionar esto criarom um sistema de evaquaçom do fume a tres níveis com um resultado espectacular. O fume da chimenea apenas é um pouco maior do que pode sair de um cigarro.
Um dos outros actractivos que têm a zona é a posibilidade de disparar com um AK-47. Fumos incapaces de negarnos a fazelo, tanto a Elisa como eu. Disparamos 30 balas a 1,3 USD por bala. O ruido é ensordecedor. Temos um video gravado, a ver se mais tarde o edito e já o subo a youTube.
Depois dos túneles fumos até umha fábrica de productos de artesania propriedade do governo no que trabalham víctimas da guerra. Sejam pessoas as que lhe faltams as maus ou pessoas que som filhos de civiles e excombatentes que ao estas expostos as armas de destruiçom masiva empregadas polos estadounidenses tenhem serios problemas de saúde.
Pois pouco mais polo de agora. Iremos a comer e pola tarde haver se contratamos um serviço de masagens. Ontem colhimos um panfleto que nos derom segum o qual vam a estar 75 minutos dando-nos umha masagens nos pes por apenas 5 euros. Me encanta este país!!!
Antes de rematar este post conto o da ceia de ontem. Nom podia ser todo perfeito.
Ontem pola noite fumos cear a um dos teóricos melhores restaurantes de Ho Chi Minh, Vietnam House. A comida estava pésima. Era como umha imitaçom da neue cousine francesa com productos vietnamitas. O resultado foi que muitos dos pratos eram totalmente incomestiveis. Um dos pementos que comimos, por ponher um ejemplo, foi a cousa mais picante que tomamos na nossa vida. Rematamos com os olhos cheios de lágrimas e com os mocos caendo pola nápia abaixo. Que picor!!!! Hoje queremos comer algo tradicional e m um sitio normal. Seguro que está exquisito.
NOTA: Acabamos de voltar de jantar e realmente a comida estava deliciosa!
Primeiras 24 horas em Vietnam. Conhezendo Ho Chi Minh [ go ]
Bom, já estamos instalados em Ho Chi Minh!!
Ontem, recem chegados fumos a cear a um dos melhores restaurantes onde tenho estado.
Música em directo e marisco que escolhias dentro de um aquario (bom, nós nom escolhemos nada, foi o camareiro). A Eli e mais eu nos metimos umha langosta que devia de pesar um par de quilos. 
Rematamos a noite a base de botelhas de champam e cerveja no balcom da habitaçom do hotel. Arranjando o mundo até as 3 da manha.
Hoje já curados um pouco da resaca adicamos o dia a conhecer um pouco a cidade. Ho Chi Minh é realmente umha cidade do mais interesante. Cheia de vida e de caos, com umha populaçom amigável e alegre, sem movidas raras pola rua. Em fim, que nos namoramos perdidamente deste sitio maravilhoso.
Adicamos a manha a ir ao mercado de Cholón, no bairro chinês. Umha conjunto de cores e olores, com gente por todas partes, mercando, vendendo, disfrutando, comendo… Nós fumos comer a um restaurante da zona, dous pratos mui ricos, um litro de cerveja por algo menos de 5 euros.
Depois de comer fumos ao museio da guerra. Nom vou contar nada del, apenas ponher umha foto e nada mais. Saímos com umha sensaçom rara, com ganhas de chorar e com um odio visceral cara o estadounidense. Que porcalhada som as guerras, e que desgraciados os que se negam a reconhecer o direito da gente a viver em liberdade.
Pouco depois passamos e entramos no paço da Reunificaçom. Foi o edificio que umha vez conquistado supuxo o fim da guerra americana. Um 30 de Abril de 1975. Dia da grande victoria vietnamita. Dia da grande derrota dos invasores.
E pouco mais, manha iremos a ver os tuneles de Cu-chi, onde o VietCong pasava a vida agochado, transportando armas, explosivos e todo o necesario para ser livres. Lá veremos em que condiçons de vida estavam, lá dispararemos com uns AK-47 a 1USD por bala. Umha experiência única, seguro.
Apresentando Ho Chi Minh de resaca [ go ]
Dia 0 de viagem. Voando por o mundo adiante [ go ]
Olá a todas e todos!!!
O primeiro dia da viagem já está em marcha. É um dia de despedidas tristes, aeroportos e companhias aereas com o que a cousa nom che é demasiado gratificante.
Escrevo agora mesmo desde o voo de Lufthansa cara Bangkok e Ho Chi Minh. Como as cousas na Espanha nom se podem fazer com sentido comum, lá já nos fastidiarom a primeira parte da viagem. Tinhamos que facturar no mostrador da companhia alemã, mais com esto dos voos compartilhados rematamos facturando em Madrid com os de Spanair todo o voo, e claro, pasou o que tinha que pasar. A Eli mais eu estamos em asentos separados, deve haver como tres ou quatro filas entre eu e ela. Todo por pretender facturar com 6 horas de antelaçom, cando ainda estam todos os asentos livres para escolher os melhores sitios, mas claro, a rapaça de Spanair devia estar em outro planeta por que se nom nom hai dios que entenda porque nos fixo esso. Bom igual votava ao PP e nos conhezia, mais nom creio. Esso sim, como a vexa pola rua e atope um adoquim solto…
Polo demais todo velho, esto de andar fazendo tropezentos cambios de avions é umha pesadilha, tenho umhas ganhas terriveis de agarrrar um bo sonho e despertar já no Vietnam, mais vai a ser que nom. Teletransportaçom já por favor!!! Em fim, continuo em outro momento, total vou a estar neste asento as próximas 16 horas e vou ter tempo.
Continuamos. ;-(
Retorno 2.
Aqui andamos outra vez, o mais salientável do que levamos de viagem é que as pilulas para dormir que trouxo a Elisa som mau de santo morto, eu já despertei depois de 9 horas ou assim porque umhas das pessoas que tinha ao lado, um británico (acho agora que nom o é, por umha pulseira que têm na mau agora tem-me pinta de ser de Nova Zelanda ou similar), destes de tomam a ceia com um combinado de wiskey e depois ponhem-se a jogar ao poker com umha barralha dessas que saem tipas em bragas e sostem, bom, que o jicho tinha que ir a casa de banhos urgentemente e claro, houve que levantar-se que a essas idades igual colhes um cancro de próstata de tanto aguantar e seria umha grande pérdida, mas a Eli está durmindo mais q pracenteiramente. Ummm, igual a desperto um pouco ;-P
Bom, vou a ver se despexo um pouco que penso que nos traem o pequeno almoço, continuamos um pouco mais tarde.
NOTA: Estam a ponher na TV do aviom umha peli de animaçom sobre os pingüinos. Bah!, nom tenhem nem ideia de como se movem… Que recordos me trae esso…
Retorno 3.
Há testemunho gráfico do sonho da Elisa, a ver se dou atopado entre a manranha de cables que traio qual se corresponde ao cable da cámara de fotos e já a publico.
É também a primeira vez que viaxo em aviom acompanhado por nenos e nenas pequenas e que nom me dam para nada a vara, deve ser que Iberia trastoca a mente das nenas e nenos por que senom nom têm explicaçom esto… vale, vale, já sei que é cousa de como educam os pais e nais aos filhos.
Ah! e outra cousa que já esquecia, é a primeira vez que podo comer a comida do aviom, vale que nom é Casa Marcelo mas nom som as albóndigas vomitivas que te punham em AirMadrid ou os consabidos macarrons de Iberia, única em fazer-te colher-lhe noxo a pasta. Se nom fosse porque todo tem toneladas de picante eu até diria que está deliciosa. (Nom me fagades caso, deve ser a altura e a cerveja)
Estam ponhendo nas pantalhas do aviom agora mesmo info desta de por onde vamos. Estamos no Golgo de Martaban, o qual se andades de geografía como ando eu, pois nom creio que vos diga muito, polo que se vee no mapa devemos andar a uns 400 quilómetros de Bangkok, ou seja, media pantalha, pola outra media pantalha ficava a India. Ho Chi Minh queda para a extrema direita, do mapa se entende, nom vaia a ser que tenha a um comisário político lendo esto… glup!
Retorno 4.
Bom, já fixemos escala em Bangkok e agora imos com rumo imparável cara Ho Chi Minh, também conhezida como Saigon, de onde os ianquis tiverom que sair a fume de carozo antes de que lhes arrincaram a pel a tiras
No aeroporto de Bangkok estivemos apenas 20 minutos esperando a que lhe botaram gasofa ao viom e a que o limparam um pouco. Sorpreendeu-me bastante as fotos que havia por todos lados do rei de Thailandia, seica que estava de aniversario e tinha a foto junto com lemas do estilo "Long live the king" (podiam engadir o "kong" depois do king e ainda te botavas umhas risas), e tambèm supostas frases do tipinho dizendo que trabalha a todas horas polo benestar da populaçom de thailandia. Seguro que di a verdade e todo.
Bom, esta-se-me a acabar a bateria do portatil. Já desde o hotel tento publicar esto (a ver se ha conexom inalámbrica
Até a seguinte.
Com que companhia aerea vas? [ go ]
Poderia ser…
Mais bem vai a ser…
É o que têm andar navegando com os nervios da viagem
Olá Vietnam, chau Galiza! [ go ]
Por favor, conta-me sobre este nome complicado e dificil de pronunciar
Que levo desde que nascim
Por favor, conta-me deste império velho e desta caracteristica dos meus ollos arrugados
Que me contam melhor as cousas que te atreves dizer
Só sei as imagens da guerra
Como em (Apocalipse Now) filme de Copola, helicoptero enfadado
Algum dia irei por ali
Algum dia para dizer ‘olá’ a minha alma
Algum dia irei por ali
Para dizer "olá" a ti, Vietnam
Conta-me da minha pel, dos meus olhos e dos meus pes moi pequenos
Que me levam desde o meu nascimento
Conta-me da tua casa, da tua rua
Conta-me o que saibas
Sobre o mercado flotante e a flotaçom
Só conhezo o meu pais a través das fotos de guerra
Como em (Apocalipse Now) filme de Copola, helicoptero enfadado
Algum dia irei por ali
Algum dia para dizer ‘olá’ a minha alma
Algum dia irei por ali
Para dizer "olá" a ti, Vietnam
Os budhas de pedra caendo forom o meus pais
As mulheres dobradas nos campos como as nais
Nas luces onde vexo os meus irmans
Quero tocar as minhas raices, as minhas terras
Algum dia irei por ali
Algum dia para dizer ‘olá’ a minha alma
Algum dia irei por ali
Para dizer "olá" a ti, Vietnam
A frase [ go ]
Os estadounidenses som altos, nós baixos
Os estadounidenses som ricos, nós pobres
Pero os vietnamitas nom somos tontos.
