Ilussons ópticas [ go ]
Os dous círculos laranjas tenhem o mesmo tamanho.
As linhas horizontais estam rectas
A espiral nom existe, som círculos concéntricos
Nom existem pontos grises entre os cadros pretos
Os cadros A e B tenhem a mesma cor.
Se miramos durante 20 segundos a imagem vemos desaparecer grupos de pontos magentas.
A empresa galega [ go ]
Viva Europa ainda que perda!! [ go ]
Sae hoje na prensa a aprovaçom de um novo Tratado para a Uniom Europeia. É curioso que depois de que as pessoas que vivemos em esta parte do planeta dixeramos de forma clara que nom queremos umha constituiçom do capital para Europa, venham agora os democratas de "hoy mañana y siempre" a fazer o mesmo um par de anos depois. Esso sim, desta vez a aprovaçom vai a ser por trámite parlamentário, onde as maiorias do PP e do PSOE estám completamente de acordo.
Zapatero já adiantou que é importante criar um tratado para compartir as redes electricas… Todo para que essas empresas que malvivem e que nom tenhem beneficios (estou de conha…) continuem a acrescentar os beneficios, nom vaia a ser que depois a financiaçom dos seus partidos se resenta.
Em fim, mais um exemplo de essa grande democrácia cheia de democratas de toda la vida que nom sabem nem o que significa esse sistema de governo. Que leiam a Wikipedia por favor!!!!
Fotos do paintball [ go ]
As tedes em: http://raulmarinho.com/wp-gallery2.php?g2_itemId=1204
A frase (mais umha) [ go ]
"Visite Estados Unidos antes de que Estados Unidos lo visite a usted"
Astrid Hadad, na cançom "La mujer del puerto" do disco "Virgencita y mucho más"
A mulher na arte [ go ]
Obrigado Pili polo precioso video
O valor da repressom [ go ]
Leio hoje em 20minutos.es umha noticia sobre umha nova reforma do código penal na que todos os partidos menos o PP e o PNV pretendem aumentar a repressom sobre as infracçons do código de circulaçom.
Concretamente o que querem fazer é que se te pilham com mais de um par de canhas no corpo, a mais de 200 km por hora por autoestrada ou a 110 por núcleo urbano pois que te caigam de dous a cinco anos.
Fora de que nom é o mesmo ir a 200 tu só por autoestrada que a 110 por umha cidade as sete da tarde, escrevo este post porque recordou-me a noticia a umha cita que escoitei o outro dia a José María Mendiluce numha entrevista que lhe fixerom um colectivo pola legalizaçom das drogas. O Mendiluce dizia algo assim:
Por estas datas, cada ano a ONU manda um relatório sobre o consumo de drogas e a delincuencia asociada a dito consumo e tráfico, cada ano a cousa vai a pior, cada ano os estados continuam com as mesmas práticas, programas de proibiçom e aumentam a repressom. Quando pase mais um ano a cousa irá a pior, os estados continuaram com as mesmas práticas, programas de proibiçom…
O problema asociado aos accidentes de tráfico e terrível, cada ano morrem mais de 3000 pessoas no estado e cada ano aumentam as proibiçons e a repressom asociada para que todo siga igual.
Bertrand Russell e a guerra do Vietnam [ go ]
A sexta feira passada o Xurxo regalava-me um estupendo livro: "Los crímenes de guerra en Vietnam" do escritor, filósofo e matemático Bertrand Russell.
Depois de devora-lo durante a fim de semana, andivem a buscar pola rede a ver se poderia atopar onde mercalo mas paresce que está descatalogado, assim que nada, se o queredes há que mergulhar nas feiras do livro de segunda mão.
"Los crímenes de guerra en Vietnam" é um compendium de artigos de opiniom publicados polo autor durante os seis primeiros anos da década dos 60 e que partem de umha ideia marco, se em Nuremberg se juzgou ao nazismo por crímenes contra a humanidade por parte das potencias vencedoras da 2GM como umha forma de eliminar as revanchas irracionais depois de rematar umha guerra, esta experiência deveria manter-se no tempo como forma de regulaçom de um conflito bélico independentemente do estado que cometa os crímenes. Esta afirmaçom já nom é que parta do Russell senom que som palavras do juiz Jackson, representante dos próprios EEUU em Nuremberg.
Russell recolhe multidom de experiências do factos acontecidos durante a guerra de Vietnam e propom a constituiçom de um juizo a EEUU polas suas actividades no sureste asiático. Explica com claridade o objeto da guerra, a necesidade de EEUU das materias primas (caucho, bauxita…) que têm o estado soberano de Vietnam e que precisa occidente amais de relatos estremecedores da selvagem actuaçom dos supostos defensores da democrácia.
Um livro do 1967 que aporta umha clara explicaçom dos movementos políticos em materia de asuntos exteriores dos EEUU e que explica 35 anos antes situaçons como as que provocam guerras tam actuais como a do Irak. Muito obrigado Xur!
Sobre a nova do ataque cracker a Arsys [ go ]
Publicam hoje em "El pais" mais umha noticia sobre o ataque que recebeu Arsys e que produxo o roubo de umha determinada quantidade de datos pessoais.
Resulta indignante já o titular. "Las empresas de ‘hosting’, en el punto de mira" Que quer dizer esto? Ah! claro, que agora quando te roubam o culpável eres tu por deixar que te atraquem, mui lógico. Teriam que sacar umha noticia similar sobre a gente que esta ameazada de morte, o titular poderia ser, "XXX concejal del PP en el País Vasco en el punto de mira", Uhhh nom, que esto é apologia do terrorismo já me esquezia.
Quizais o que querem dizer é que a partires de agora as pessoas que formamos parte de umha empresa de hosting somos especiais, já nom vale só com que tenhamos umha continua inseguridade jurídica pola incompetência da maior parte de juizes e juizas, já nom vale que a policia nom tenha nem ideia de que vai Internet, tampouco vale que os orgaos políticos que dictam as leis nem sequer sejam usuarios do medio que regulam, que as empresas de hosting tenhamos que competir em desigualdade de condiçons contra paises que mui inteligentemente fam políticas de exençom fiscal (caso EEUU) para as empresas tecnológicas é o de menos, agora já somos culpáveis polas acçons de uns delinqüentes, já há que escuitar cousas como a que di o El País hoje, "Según denunció EL PAÍS, una importante empresa española de ‘hosting’ habría sufrido un importante ataque", claro se o titular fora "Según denunció EL PAÍS, a XXX le acaban de romper las piernas por estar afiliado al PSOE" é seguro que haveria umha cruzada contra ese amarilhismo asqueroso do que fai gala El Pais.
Há que dizer BASTA JÁ, Internet nom é um medio inseguro, a rede nom se limita a as actuaçons dos pederastras, a venta de orgaos, aos delinqüentes que roubam com impunidade a qualquer empresa que desenvolve os seus negocios na rede, Internet nom é Second Life que é noticia cada semana com 20.000 usuarios simultaneos, cifra insignificante hoje em dia.
O dia em que se mire com total normalidade as empresas do sector, o dia em que um delinqüente o seja independentemente de onde cometa o delito, ese dia a rede sera um negocio normalizado. Mentras haverá empresas que se aproveitem com aves rapazes das desgracias alheas, como algumha que outra empresa de hosting que esta tentado aproveitarse de esta situaçom.
A ninguem se lhe pasa pola cabeça enjuizar a umha empresa de venta de coitelos porque se use um dos seus productos para cometer um asesinato, a ninguem se lhe pasa pola cabeza acusar a umha pessoa de burra ou incapaz porque acaba de ser atropelhada num paso de cebra. Estas cousas si que só passam na rede. Já basta.
