Hipócritas, mais que hipócritas [ go ]
Sai hoje "El Pais" umha reportagem titulada: "Los censores de internet, 27 países silencian la Red en materia política, social o de seguridad". O artigo é a típica bazofia sobre a rede a que nos têm acostumados já a prensa do reino da Espanha. Por suposto nom se nomeam a totalidade dos países senom fundamentalmente os do eixo dos malvados, China, Cuba, Coreia do Norte, Vietnam, Iran, Siria, Pakistam…
Hai que ser hipócritas! Neste reino no que temos a desgracia de viver se sequestram publicaçons, se entra a patada na porta para pechar webs contra o sistema, se proibem registros de dominio (que alguem tente registrar um ponto es com o nome de algum membro da casa real), se proibe o acceso a webs de organizaçons políticas. A guardia civil é mais que conhezida por andar continuamente supervisando webs que nom som do seu gosto… Poderiamos seguir até o infinito e mais alá.
E agora venhem estes a dizer o que? Que há paises onde nom existe a liberdade de opiniom? E em qual si? haveria que preguntar-lhes porque polo menos em este curruncho onde vivemos desde logo nom é o paraiso das democrácias. Só há que ler a prensa com um pouco de espirito crítico para inteirar-se.
Mais do mesmo, mexam por nós e nós andamos a dizer que anda a chover pola casa do vizinho.
Leo [ go ]
Estas últimas semanas estamos a ver na casa Twin Peaks, conseguim as duas temporadas e as estamos a ver a um ritmo de quatro episodios diários.
Hai umha personagem que nos têm enfermos, Leo Johnson. Um camioneiro psicópata, maltratador, asesino, traficante… em fim, que as têm todas. A escea na que mete umha pastilha de jabom numha toalha e com ela se dirige a sua mulher dizindolhe "Cariño, esto te va a doler" mentras a tipa se tira ao cham berrando ainda me pom os pelos de punta.
No episodio de ontem, quando o cabrom este desperta do coma no que estava… bom, nom vou contar mais por se nom vichedes a serie, mas o berro que metimos (e era a umha da manhá) deveu despertar a todo o edificio.
Prefiro Doutor em Alaska, mas Twin Peaks me esta a molar muito muito, sobre todo quando som capaz de seguir a trama e o David Lynch nom desvaria com as cousas de ultratumba.
De dança polo sul [ go ]
O mês passado fum de escapada a Portugal quatro dias. Pasamos um par de dias em Paços da Ferreira, a capital do móvel para mercar um sofa novo e depois fumos a Pili e mais eu a pasar a finde em Vila do Conde.
Depois da ceia de um dos dias fumos a dar um paseio polo povo, resulta que havia festa em um dos bairros e lá nos quedamos um ratinho a tomar-lhe umha mirinda. A festa estava divertida e a gente que lá havia (200 pessoas ou assim) subiam a bailar ao cenário. Todo mui participativo.
Resulta que me fixei que a gente que estava bailando estava descalza.
Mas… onde deixavam os sapatos? Cá temos a resposta. Todos na beirarrua.
PD. As fotos estam tiradas com o telemóvel de noite com o que a qualidade nom é mui para lá.
O percebe [ go ]
Nas últimas semanas estou a pasar pola Praça de Abastos de Compostela quase todos os dias. De paso que vou para o trabalho polas manhas pois paro a fazer a compra do dia.
Fai umhas semanas merquei os percebes mais grandes que vim na minha vida. Cá esta a foto que o atestigua. 
Volta ao vietnam [ go ]
Do 19 de Outubro ao 29 de Novembro os vietnamitas e as vietnamitas voltarám a sufrir com a minha presença e mais a de Pili… 40 dias no Vietnam, Yujuuuuuuuuuuuuuuuuuuu!!!!!!!!!!!!!!!!!!!!!!!!
Como evitar o robot de vodafone [ go ]
Fai tempo que queria escrever esto, mas até hoje a verdade é que nom me acordei.
Bom, ao que ia, resulta que se estás farto ou farta dos robots estes de "pulsa 1 si desea…, pulsa 2 si no se que" que tenhem as operadoras de telefonia e amais tes o teu telemóvel com vodafone, nom tes mais que exigir que queres que te atendam em galego.
Tacham! adeus robot!
Devem ter poucas pessoas que querem ser atentidas em galego que nom sai rentável programar o robotito ese, assim que te atende marabilhosamente um pessoa humana.
